娜姐的08第一擊約文~
本人作為professional儲物狂當然有不少物資，上一回是影碟，今回就來書吧﹗
同影碟一樣，買既時候拎上手本本都覺有趣想睇，買咗返屋企又覺唔急睇，永遠覺得大把時間慢慢睇，於是就越儲越多，好些因為事過境遷，大概都好難有心思拎上手睇的了…
圖1的兩本，兩位本人極敬仰的肥佬：戰時英國首相邱吉爾和前港督肥彭，欣賞佢地既文彩還有紳士式的幽默感(特別是睇完蔡子強的《新君王論》系列)，一心想拜讀佢地既著作學番一兩招傍身…不過…eeeee…未郁過…
圖2是受殖民地教育影響吧…本人真係特別對英國史有興趣，同類題材的書有一大堆…不過唔係本本睇晒咁解…
左右兩本係上年書展的入手…都係未郁…
圖3 都係一埋未郁的…(本人咁鐘意睇外國史會唔被拉去改造架？)
圖410年前我買了《鐵面王子》的原著小說來看，但當年本人的爛英文唔足以睇得明本書講乜，所以爛尾了。10年後買了《Elizabeth》，今回我睇得明了，但感覺有點悶…已放下好幾日了…
圖5&6：我係有煲國史的說﹗呢本野其實係中六七的教科書，話實當年要攻考試邊有閒情睇呢本咁厚既書，於是封塵兩年，直到等放榜時無聊就拎出呢睇，但當年本人英文太爛，又係唔太明佢講乜╴於是…這本野就成為本人書櫃上的裝飾…直到而家…
圖7：又係中六七時買落的，幾本中化科做project/閱書報告的小書其實我都無睇過，因為個report係抄師兄的﹗(對不起老師…因為呢份卷佢俾咗個a我的說…)
左邊的張五常，當年聽人講話睇佢呢本書有助econ考試，據說有題目是來自此書的說﹗只是我睇完一頭霧水，走去問老師時佢先話而家唔用呢本書架啦…chur…咁當然…從此再無掂過呢書啦…
圖8：銀行大亨年代入的…話實睇完都唔知講乜…我依然都係唔識股票嗰啲野…
圖9：好學的我當然係買落好多日文書但又無睇囉…
**********************************************
其實有咁多爛尾書風和日麗不見得是好事，實在邊影邊心酸，自己寫博都知一篇文得來不易，何況是一本書呢？
所以呢，08年我希望自己能努力清咁一些積落已久的(頭號目標是兩位我欣賞的肥佬…)~
且看一年後會有乜後話﹗ (09後按：咪都係繼續狂掃，同埋仲有好多未睇囉…而那兩位我欣賞的肥佬大作仲未得閒拜讀…唉…)
***********************************************
群博吹的水：
娜姐：弊傢伙，買大咗！
子大人：「弊傢伙，買大咗！」
飯飯： 弊傢伙，買大咗！
加大人： 弊傢伙，買大咗！—我在書店中沉淪了
藍公子： 「－弊傢伙，買大左！」之去旅行要小心
