香港新浪網 MySinaBlog
« 上一篇 | 下一篇 »

[52] Re: Sixteen

Re: Sixteen

(做完《真相》夜晚終於可以得閒番啲…XDDDDD)

睇微博見到83《射鵰》主角重聚既消息,睇到都覺得好神奇…咁95版《神鵰》除了簡佩均無拍劇(偶然喺名人版見到佢喎﹗),同李若彤退隱咗,其他人都仲拍緊戲或者同娛樂圈RELATED,要攪都唔係唔得,不過啲演員會唔會參加啫…
你估中咗啦,我確係有錄K-100那些介紹既節目,但係同《再戰江湖》錄埋喺同一餅帶,所以而家都無咗啦。而家只剩番錄了幾集劇的帶,應該都仲睇到既,不過都有VCD啦…最重要那餅反而無咗…嗚…
《美味天王》…又好似係…那一水啲美味甚麼我唔鐘意睇,古生變黑後我唯一熱愛的可能只有《尋秦記》…哈…項少龍其實真係好似楊過…古生自1都咁講的…

domotoiceko
[引用] | 作者 domotoiceko | 1st Aug 2011 13:25 PM | [舉報垃圾留言]

[51] Re: domotoiceko

其實可以DL Youtube video 嘅 Software 仲有好多的。我自己都轉用過兩、三個了。因為Youtube 好似時不時也有改版的,我只要一發現呢個又DL唔到,就會去Google 一個新嘅嚟用!

整理D剪報我都知道係大工程了,所以就你時間啦! 我都等得嘅! 我最可惜其實係你果餅帶,話說你除咗錄咗呢個特輯外,仲有冇錄過其他節目介紹或花絮? 比如K-100或者娛樂新聞眼等等的節目? 雖然我都知道就算有,依家可能都冇咗了,不過都想知道下的!

你講得啱,應該係叫「美味天王」才對! 《極度重犯》我冇睇過,電影我比較小睇的,有杋會我去search一下!

我依家上網其實都有多咗留意古仔和李若彤D消息,想睇下佢哋會唔會有咩後續發展。因為我聽聞大陸D影迷想嘗試在今年內(首播後第16年)拉佢地响埋一齊,比如呼龥廣告商請佢哋一齊拍廣告或者叫電視台請佢哋一齊上電視等等。因為早排有大陸電視台召集了83射鵰的演員响節目度重聚(可惜冇咗個女主角),於是95迷也想有樣學樣。


[引用] | 作者 Sixteen | 26th Jul 2011 14:09 PM | [舉報垃圾留言]

[50] Re: Sixteen

Re: Sixteen
咦…原來有個咁既software…真係三人行必有我師(我太落後了…)…
9mb的話gmail都ok…其實我已經有十萬九千幾個mailbox…唔會再開啦…好多開完都唔記得pw的說…
至於啲剪報呢(我是仲未去整理的﹗哈哈哈),我諗住send得比你不如貼出嚟一齊分享啦,呢水公事比較忙(私下仲要去煲劇…XDDDDD)…遲一陣子等我SCAN好晒…(試過放大CLICK係睇得清楚的…哈)再貼上嚟一齊些牙~
我係俾白古電親的…黑古時我已經掛住去迷日本仔了…XDDDDD…那套乜鬼《美味天王》(定《美味情緣》)我都無睇,反而記得有套電影叫《極度重犯》,同張智霖做的,超好睇…翻睇了好多次…可能係《尋秦記》以外另一套我勁愛的黑古作品…
咁佢當年白面樣又真係幾唔健康,好似就病就病咁,又UN GIGI…黑咗又大隻咗望落真係似番個人樣既…

domotoiceko
[引用] | 作者 domotoiceko | 21st Jul 2011 13:14 PM | [舉報垃圾留言]

[49] Re: domotoiceko

話說我好少用Real Player 的,因為我嫌佢有廣告囉。通常我都係裝一個專門DL Youtube 嘅工具,比如我依家用緊嘅1-Click Youtube ,都幾方便架!
9MB 嘅 file 唔會太大啦! 我果時專登講,其實係驚你個Mailbox容量唔夠之嘛! 如果你用163或者qq等的mailbox,再大十倍嘅file 都冇問題! 所以,真係唔駛客氣喎!
國語版嘅「天下有情人」,我都聽過了。你唔講真係冇留意到原來又係林夕塡詞添。兩版對比,其實我比較中意國語版的,粵語版D詞有D夾硬,而且好似有D唔知想表達D咩咁!
原來你中意白古啊! 我就比較中意黑古了!(楊過除外) 不過係早期剛轉形果陣,比如「飲食天王」呀咁,果陣佢未幾黑,感覺比較自然。 而家我覺得佢有時真係黑得有D離譜,其實唔駛晒到咁勁啫! 拍埋D人影相,黑到成舊炭咁,有時真係鄧佢D皮膚覺得慘!
D資料你慢慢整理啦! 我唔急嘅! 不過如果你唔得閑,或者可以整一個打包send 比我,我可以自己慢慢開嚟睇的! 多謝你先!


[引用] | 作者 Sixteen | 20th Jul 2011 14:21 PM | [舉報垃圾留言]

[48] Re: Sixteen

Re: Sixteen

 

你貼的link我已即刻去睇過啦…真係想跟住唱﹗哈哈…我想問而家youtube係咪無咗real player dl的function(很無知的問題…)…死機之前用那個real player係可以的…但轉過部機後裝番rp 10又唔得啦喎…

 

如果file太大就算啦,個mv會好好留在我記憶裡~(好詩意…哈)…btw,有無聽過《神話情話》的國語版《天下有情人》?一樣都係林夕填詞,啲詞都係好有意思的…

 

中招係無得解釋架…我應該係93,4年上下睇雜誌時見到有篇野介紹古生…覺得佢勁靚仔…而當年我又開始唔鐘意郭富城了…咁咪轉咗偶像囉…咁啱我娘係好鐘意買雜誌的,《大眾》、《香港電視》、《金電視》(你可能唔知係乜啦…我老人家小時常看的娛樂雜誌…哈)期期買,所以先可以儲落咁多剪報,另外《yes》都不時講古生…所以選定新既中招對像…過無耐就俾人爆佢啲往事…我都係睇完報導先知佢喺《城市追擊》度剖白…但miss咗無睇…我仲問番阿娘有無得翻睇添…=P…但我有儲番詳講佢往事既一期《一本便利》哈…

 

爆出嚟時應該係無記剛剛宣佈搵佢做楊過…咁我本身又勁鐘意睇呢本小說,又勁期待啦。其實我諗大眾對劉華版有個固有印象,覺得楊過係大俠,加上舊事所先入為主覺得古生會做得唔好…即係我想講楊過自小係個街童,本性唔壞但性格有點偏激,好易受人影響而走歪路,但臨危都係會勒馬咁樣…佢做大俠只係等小龍女那16年啫…佢都唔係一心為國為民…真正大俠都係郭靖囉…楊過係黃藥師那類鐘意就為國為民吓,唔鐘意就閃咗人唔見人那種嚟架囉 …

 

無知少女迷偶像係唔會理咁多既…同埋佢都為自己做既事受咗刑,咁咪尤得舊事過去囉。不過我淨係鐘意佢白面既時代,去到《廉政乜乜乜》(唔記得名)、《烈火雄心》時期變咗黑面我又唔鐘意佢了…=P (而家終於有人認同我品味…我太感動了…)

 

(俾多少少時間我整理一吓…遲吓些牙上嚟﹗=))

domotoiceko
[引用] | 作者 domotoiceko | 7th Jul 2011 09:53 AM | [舉報垃圾留言]

[47] Re: domotoiceko

個MV我以前本來係响 youtube 睇到嘅,不過依家再搵,揾唔番了,可能已經比人Delete咗了唔定(好彩以前有DL),所以唯有介紹你睇土豆,一共有兩個:

主題曲MV
http://www.tudou.com/programs/view/n9W_l6_iE5Y/
 
VCD發售預告片
http://www.tudou.com/programs/view/tmkql4yD8x4/

你睇下先啦!  如果想DL,我可以send我DL咗嘅YouTube版比你,因為YT版冇水印,土豆版就一定有土豆網個名响度。

我諗住求其响hotmail開一個新嘅mail box,你可以先寄一個email比我,然後我再寄個password 比你,咁你就可以自己去下載了。所以我嘅email係:  eit16@hotmail.com

原來你想post上嚟個blog啊,都好嘅。不過我有D驚個尺寸會限制咗變細,咁就會睇唔清楚D字了,不過都係方便你啦!

其實我覺得你咁早就揀古天樂做偶像真係幾有獨到眼光,因為古天樂果時剛出道冇耐,都未幾紅,又有負面新聞,但你依然留意同收集佢D雜誌和報導,冇離棄到,時不時仲會幫佢同人撐,話實真係好難得!

 


[引用] | 作者 Sixteen | 6th Jul 2011 11:49 AM | [舉報垃圾留言]

[46] Re: Sixteen

我考完試甩難了,等我返屋企整理吓啲舊物再post上嚟分享分享﹗(知音難求呢…哈哈)

 

你話扮老虎那幕我都唔記得了,我只記得劉華既楊過有去扮鬼嚇道士…跟住(唔知邊次的整古)俾全真教啲人發現咗,攪到姑姑要去sa lum道歉的…呢個劇情我覺得極唔合理…你講起又係…當年無人講的嘛…《射鵰》我覺得改得ok(主打係個原著我睇得一兩次…《神鵰》睇到識背…哈)…

 

當然我明白拍電視梗係有加加減減,或者見吓吓跟原著拍會驚無咗新鮮感,咁改動一吓亦可以理解,但唔好太有創意丫大佬,都唔合乎人物性格既,簡直離譜囉…這也是我不喜歡83《神鵰》的原因…

 

95版主打係個故事合情合理(減既多,一開始陸無雙變咗陸展元個女呢…其實如果佢係負心人個親生女…李莫愁應該會一野就殺鬼咗佢…仲會唔會教佢功夫呢…篤…),人物外型亦幾襯合原著角色,武打仲好睇咗(好似係元寶第一套喺無記做武指的…古生和李若彤拍之前仲去學吓中國舞學吓擺的…),係啲場景一成不變,呢吓就好扣分…整體我覺得95版好平均…撇除本人對古生的偏愛(XDDDD)…我會鐘意95版多啲~

 

06個童年楊過係豬八戒咁驚?﹗話實我唔太鐘意06版…主打係頂唔順阿明哥仔…83年我無記錯童年楊過係馮志豐…佢做完郭靖童年又做楊過童年…但就太細個啦…好似陳玉蓮個仔咁…又如果我無記錯做童年郭芙個妹妹應該係喺《射鵰》度做童年華箏的…

 

另…朱茵的黃蓉造型夠靚夠可愛,不過佢做得唔好啦…有啲可惜…(94《射鵰》選角都幾驚的…)

 

個古仔為張就神高神大的古生係將楊過一出場年紀改為16歲…不過拍埋去傅明憲、張可頤、簡佩均度…佢扮年青人真係有啲驚…哈哈…好在好快入咗古墓…

 

個MV你講到我好想睇喎…

domotoiceko
[引用] | 作者 domotoiceko | 4th Jul 2011 12:39 PM | [舉報垃圾留言]

[45] Re: domotoiceko

講起扮王重陽果幕,我真係要同你hugㄧ下,因為我嘅諗法同你完全一樣。我都覺得楊過果時應該係憎到班人死,因為佢地殺死咗孫婆婆,而自己又由細比人恰、最終仲被人追到走投無路兼且跌落山,咁多新仇舊恨,講真佢仲點會有咁好閑情同班人玩遊戲、係度扮鬼扮馬咁開心? 我記得佢有一場係講佢扮老虎嚇D道士,好人好姐咩住件獸皮係度擒上擒落扒晒身、辛苦唔在講,最緊要係佢嘅姿勢差不多係响度跪D道士喎,憑楊過嘅性格會唔會做到咁呀? 普通人都唔會啦! 而最眼火爆嘅係佢最後竟然仲衰咗、比人好似喪家狗咁追住嚟打,追番古墓,成段戲就即係睇佢點樣自己攞嚟衰?! 我真係好唔明,D編劇將楊過寫成咁,點解D傳媒又唔插下佢? 個故事唔好睇,淨係得D演技又有咩用?

神高神大的少年楊過,我以前睇都覺得頂唔順,不過睇睇下依家又覺得OK了。尤其睇到06版揾左個豬八戒(small size嘅)嚟做少年楊過,只要一諗到小龍女以後要同個長大後嘅豬八戒係度「問世間情是何物」,我就當堂冇晒feel 了。睇古版至少可以肯定佢地係同一人! 冇比人掉左包! 而83版呢,雖然個童星都幾精拎,不過睇落去好似好細個,點睇都唔似同小龍女淨係差4歲。

其實82射鵰都改左好多,改到黃蓉變成一個任性胡鬧嘅人,仲成日撞版。朱茵版比較跟原著,不過可惜朱茵嘅黃蓉又太作狀!

你唔得閑,遲D回覆唔緊要,我唔急嘅,等你忙完先啦! 你冇睇過個MV,咁就一定要睇下了,睇完後你一定會好想鬧無線的!


[引用] | 作者 Sixteen | 24th Jun 2011 13:10 PM | [舉報垃圾留言]

[44] re:Sixteen

唔好意思因為呢水準備考試比較忙,要遲一點先可以post吓啲剪報呀咁了…

 

但見到你個留言真係忍唔住要覆一覆﹗實在太同意了﹗我唔係話劉版唔好,演員演技(特別係男女主角和幾個女仔配角)一定比古版好,但我真係頂唔順加埋啲極度無聊
劇情(握拳激動地說﹗XDDD),首先如你所講,楊過先係尊敬小龍女係佢師父又感激佢教自己武功等自己唔使被人恰,跟住慢慢發現想佢做自己妻子,由頭到尾
佢都係好respect小龍女的,肯定唔會講半句嫌佢的說話;然後我記得有一場係楊過入咗古墓學武功,某日扮去重陽宮扮王重陽顯靈嚇道士,我一直都覺得楊
過心高氣傲,佢寧願被趙志敬打死都唔肯低頭喎﹗點會玩啲咁下三流既野呀,係都堂堂正正打低清篤(唔記得佢姓乜),肯定唔會用啲咁唔見得光既方法去發洩囉…

 

仲有一場係張德蘭和歐瑞強客串一對師生戀戀人被街坊用石扔死,楊過見到就激發佢一定要同姑姑喺埋一齊,真係十級無聊呀﹗楊過喺英雄大會上見自己同姑姑被人反對就堅定自己意志,已經足夠啦…那場被石扔死完全畫蛇添足,反而減低咗楊過既傲氣同少年輕狂囉…

 

可能82年《射鵰》係比較跟原著的,咁83年拍《神鵰》時想加啲野比多啲新鮮感,但我覺得係多餘兼無聊…仲反而削弱咗楊過突出既性格添﹗

 

古版初初最難頂係佢牛高馬大扮細路(自問係粉都頂唔順…哈哈),入咗古墓之後就漸入佳景啦,可能開始習慣啦…

 

同埋古生啲訪問度話,點解過兒成日都有一條二條頭髮吊落嚟呢?因為佢初初笠頭套睇唔慣,所以襯梳頭阿姐整完個頭後就自己撩幾條落嚟遮吓個額頭…哈哈哈…幾有特色喎…

 

我無睇過個mv呀﹗同埋睇唔到你的email呢…嗚…

 

遲一吓再分享~謝謝你呀…好難得有個知音人的說…哈哈…(打打吓打咗咁大篇野出嚟添…哈)


domotoiceko
[引用] | 作者 domotoiceko | 22nd Jun 2011 10:14 AM | [舉報垃圾留言]

[43] Re: domotoiceko

劉版我最唔中意佢某D亂加嘅劇情,加到同D人物性格完全唔夾。比如佢拍到楊過同陸無雙好曖昩,好似有咩景滾咁,仲有就係楊過竟然會向姑姑發脾氣,而且仲係用D嫌佢做乜咁蠢嘅語氣喎(仲唔止1次)。另外劉華好多時都好仲意擺靚個Pose,連埋D做手咁,係就係有型D,不過就顯得好假。古版冇錯係有幾幕D表情同動作生硬咗,不過整體嚟講的確演出咗真性情,而且越演到後面演技越好。我最中意睇佢同四絕(?)和裘千尺講野時,鬧鬼佢哋,或者唔係鬧,係唔比面咁講野,感覺就已經好型,都唔駛擺咩Pose就已經好突出! 仲有小龍受重傷冇得醫,佢好擔心嘅表現,同埋成親之前後、跟住响古墓、仲有最後小龍女走咗..........好多幕,講真佢嘅演繹我覺得係好過劉德華!

真羡慕你知道咁多拍攝時嘅內幕! 我今次响留言資料度打左我email地址,唔知你會唔會睇到? 如果睇唔到,我下次再打!多謝你先!

係勒!你有冇睇過一個無線嘅神話情話MV? 裏面有好幾個連劇集都冇出現過嘅鏡頭,如果你冇見過,我下次send 比你睇! 不過好似有9MB 的!


[引用] | 作者 Sixteen | 19th Jun 2011 08:37 AM | [舉報垃圾留言]

[42] Re: Sixteen

餅帶被部機食完我夾硬扯番佢出嚟…我又無諗到癡番埋佢睇吓睇唔睇到,跟住擺埋一邊再俾人掉咗啦…嗚…跟住無記出番vcd時無包括埋呢個特輯…嗚…只能留在我記憶裡了…剪報和報導我儲咗好多,95年出《神鵰》時正值小的最熱愛古先生嘛,等我番去搵搵再整理一吓,講開又講,當時《香港電視》出了本神鵰特刊,內容都好精美的,可以share吓,總算係無咗餅帶之後少少的安慰…

至於視評,當年我家係睇成報的,咁佢有個視評專欄,啲評價係麻麻架,我覺得佢太偏重要劉華為standard(前一個comment串錯字添…);我個人係9字後期出番vcd先睇劉華版,我覺得劉華既楊過比較正經,古天樂演出經驗少(之前啲劇集佢只係男花瓶咋喎﹗),一嚟就要擔一個咁重要既男一號,啲演譯我會覺得係佢真性情(佢自己都話自己係一張白紙,只能靠睇情節前文後理自己估應該點演…)((再對照後期《尋秦記》,佢將楊過和項少龍演得好似的,可以相信兩個角色都有佢自己性格影子和爆肚…哈)),咁我會鐘意古生將年青楊過演得輕佻啲,咁楊過本身係街童嚟架嘛…劉uncle的就太拘緊了…

黃曉明版我到而家都未睇番,只覺得個造型唔鐘意…沒有太大動力睇番…

domotoiceko
[引用] | 作者 domotoiceko | 17th Jun 2011 12:32 PM | [舉報垃圾留言]

[41] Re: domotoiceko
domotoiceko :
Sixteen : o甘多版本,我都係中意95版神鵰,不過一排冇睇了。前排係網上睇到古仔同若彤隔左16年,响4月16號果日係飛機上重遇的新聞,而古仔當時竟然脫口而出叫她做「姑姑」,感覺真的好神奇!於是一時興起又令我想揾多D佢地當年拍神鵰嘅資料。就o甘岩揾到嚟呢度了,所以想冒昩問一下版主當年播放時的情況、比如收視等,另外不知版主仲有冇收藏當時的新聞、雜誌、相片或報導等,或者有冇錄低當時D电視節目?(...


好多謝版主o甘快回復我,其實我係講下笑之嘛!同埋係有D心急。
o甘珍貴嘅電視錄影o甘就冇咗,真係勁可惜呀!果餅帶你仲還有保存嗎?會唔會依家有咩技術可以救得番?雖然,唉! 我都知道係好渺茫!
版主你有儲起當年D相關剪報、相片,不知可不可以分享一下?我只想睇拍攝花絮同演員相關消息、圖片等等、或者一D係讃佢地嘅評論,插嘅就唔駛了(你也千祈唔好分享出去呀),我自己都有收集左D,大部份嚟自網上,小部份係响幾年後D舊書攤揾到的,有機會不如大家交流一下。如果你覺得0K的話,下次我比你我emai地址,好嗎?
其實95神鵰係香港可能係麻麻,但响大陸同台灣播放時(98年)就風頭好勁,好多人對佢讚譽有加,時不時仲有好多人提起,封佢係經典,反而黃版神鵰就被人插嘅多,連金庸都對06版好有意見http://www.youtube.com/watch?v=Mwqoq-g93SQ


[引用] | 作者 Sixteen | 16th Jun 2011 23:50 PM | [舉報垃圾留言]

[40] Re: Sixteen
Sixteen : o甘多版本,我都係中意95版神鵰,不過一排冇睇了。前排係網上睇到古仔同若彤隔左16年,响4月16號果日係飛機上重遇的新聞,而古仔當時竟然脫口而出叫她做「姑姑」,感覺真的好神奇!於是一時興起又令我想揾多D佢地當年拍神鵰嘅資料。就o甘岩揾到嚟呢度了,所以想冒昩問一下版主當年播放時的情況、比如收視等,另外不知版主仲有冇收藏當時的新聞、雜誌、相片或報導等,或者有冇錄低當時D电視節目?(我諗K100應該有介紹掛!) 。唔好意思!我嘅問題有D多,希望你有睇到我嘅留言啦,唔會要我等兩年卦!多謝你先!

之前miss咗舊文啲留言所以遲晒先回…我都唔好意思…囧﹗難得有知音人,即刻回﹗

 

當年k-100有幾多介紹的,另外出街前的星期日仲有個節目叫《神鵰俠侶再戰江湖》,介紹吓人物啦,然後各演員又講吓自己演出既感受,同埋首播咗首主題曲,小的當然係錄咗,但後來部錄影機食帶,嗚…咁就無咗啦…

 

至於報導方面,小的儲起了很多相關剪報(XD),但其實當年的反麻麻,我無記錯的話一路都係25-28,9點收視倒,結局(好似係weekend出了兩個鐘頭版)就上到30點,個結局我錄咗翻睇了好多次的…~

 

坊間反應一般都係麻麻,一來係古先生舊事的影響,另外係先入為主,大家都以劉華演出為stanard;姑姑就造型取勝咁囉,大眾都係插古生多既…

 

係呀,睇到飛機上個報導我都覺得好神奇…隔咗咁多年竟然第一吓係叫番李若彤做姑姑…好攪笑…

domotoiceko
[引用] | 作者 domotoiceko | 16th Jun 2011 11:39 AM | [舉報垃圾留言]

[39]

o甘多版本,我都係中意95版神鵰,不過一排冇睇了。前排係網上睇到古仔同若彤隔左16年,响4月16號果日係飛機上重遇的新聞,而古仔當時竟然脫口而出叫她做「姑姑」,感覺真的好神奇!於是一時興起又令我想揾多D佢地當年拍神鵰嘅資料。就o甘岩揾到嚟呢度了,所以想冒昩問一下版主當年播放時的情況、比如收視等,另外不知版主仲有冇收藏當時的新聞、雜誌、相片或報導等,或者有冇錄低當時D电視節目?(我諗K100應該有介紹掛!) 。唔好意思!我嘅問題有D多,希望你有睇到我嘅留言啦,唔會要我等兩年卦!多謝你先!


[引用] | 作者 Sixteen | 16th Jun 2011 01:40 AM | [舉報垃圾留言]

[38] Re: TTN
TTN :
我最鐘意係我小小時候睇的潘迎紫小龍女啊>.

潘迎紫版本在香港沒看過/見過啊…
我諗…你看看youtube有沒有?或者網上有沒有得訂購吧…

domotoiceko
[引用] | 作者 domotoiceko | 21st Aug 2008 14:01 PM | [舉報垃圾留言]

[37] Re: 李若彤去左邊?
李若彤去左邊? :
當時知道找李若彤演小龍女
我真的很高興呀, 因為覺她很漂亮之餘
給人有點冷若冰霜的感覺, 那不就是小龍女嗎?!
太對味了!!
可惜, 不知道是角色還是演技問題, 總覺得她總是木口木面的
古天樂的楊過, 當時很多人批評
但還是很支持的, 就時因為他有點邪氣
才顯得出楊過的型!

死啦,成兩年後先發現有個留言未覆添…
李若彤個外型和造型都很配這個角色呀,基本上佢行出來就好殺,都唔使特別攪乜的了…
陳玉蓮個造型我嫌頭飾太多囉…
古天樂演楊過我覺得係佢本色演技,佢講係講楊過既對白,不過就用自己方式演,睇番多年後的《尋秦記》其實都差不多架…
有時我會覺得劉德華的楊過太正氣,反倒古天樂更演得出楊過的邪味…

domotoiceko
[引用] | 作者 domotoiceko | 21st Aug 2008 13:59 PM | [舉報垃圾留言]

[36] 中視CTV1984年版-小龍女

我最鐘意係我小小時候睇的潘迎紫小龍女啊>.<
有無人有影片ar? 仲有無可能睇到ar


[引用] | 作者 TTN | 21st Aug 2008 11:51 AM | [舉報垃圾留言]

[35] 我愛 95年的小龍女和楊過

當時知道找李若彤演小龍女
我真的很高興呀, 因為覺她很漂亮之餘
給人有點冷若冰霜的感覺, 那不就是小龍女嗎?!
太對味了!!
可惜, 不知道是角色還是演技問題, 總覺得她總是木口木面的

古天樂的楊過, 當時很多人批評
但還是很支持的, 就時因為他有點邪氣
才顯得出楊過的型!


[引用] | 作者 李若彤去左邊? | 29th Aug 2006 17:39 PM | [舉報垃圾留言]

[34] Re:
小原 :
恩...我也认同..观众通常都会先入为主...我第一次看的是新加坡版的..然后是刘德华版的..再来是任贤齐版的...最后是古天乐版的...到现在还是会觉得论故事新加坡版的最好看...因为感觉上剧本被改了就好像差点甚么似的...

我的先入為主就是掉轉了﹗很多香港人都是看劉德華版再看古天樂版的麻~

限於資源和集數電視劇很難完全表達到小說中的內容,刪改一下亦難免,只要不太過份就可以了。但有時改得太多看得人很激氣,那大師的名卻改頭換面得面目全非﹗


[引用] | 作者 domotoiceko | 8th Aug 2006 23:32 PM | [舉報垃圾留言]

[33]

恩...我也认同..观众通常都会先入为主...我第一次看的是新加坡版的..然后是刘德华版的..再来是任贤齐版的...最后是古天乐版的...到现在还是会觉得论故事新加坡版的最好看...因为感觉上剧本被改了就好像差点甚么似的...


[引用] | 作者 小原 | 7th Aug 2006 22:06 PM | [舉報垃圾留言]

[32] Re: 原來..劉亦菲係金庸欽點的小龍女角色
zz : 原來..劉亦菲係金庸欽點的小龍女角色 請看 http://www.youtube.com/watch?v=3I7pUcj0Bfs&mode=related&search=

劉亦菲表情好像多了點,小龍女雖然心繫楊過,但仍是很少哭笑…

不過金老就唔太滿意呢個新版楊過… 


[引用] | 作者 domotoiceko | 3rd Aug 2006 11:40 AM | [舉報垃圾留言]

[31] 原來..劉亦菲係金庸欽點的小龍女角色

原來..劉亦菲係金庸欽點的小龍女角色

請看
http://www.youtube.com/watch?v=3I7pUcj0Bfs&mode=related&search=


[引用] | 作者 zz | 31st Jul 2006 22:16 PM | [舉報垃圾留言]

[30] Re:
SlowMan :
我冇記錯o既話, 演83版o既金輪法王嗰個應該叫林立三.
我都好鍾意馬版倚天, 尤其係孫興, 簡直係殺死人.
不如好似足球咁, 攪個神鵰角色最佳陣容選舉啦!

睇website就話個叔叔叫張雷,都係返屋企搵番隻vcd出呢證實一下
當年我好多同學(我係讀女校)為咗楊逍而睇倚天。因為之前包青天孫興0既白玉堂殺死我好多同學…
攪選舉都好喎﹗我自私0的投番古先生做楊過~我係死硬95版粉絲~


[引用] | 作者 domotoiceko | 26th Jul 2006 11:00 AM | [舉報垃圾留言]

[29] Re:
Ziv :
其實...純以電視論電視沒怎樣, 但若以原著小說來評論無記拍既金庸小說, 只能說嘔血, 激心...
論楊過, 劉同古比, 演楊早期我會覺得兩個各擅勝場. 但楊過後期, 則以劉比較好了, 感情到位好多.
射鵰黃蓉我相信老一輩會較喜歡米雪...但我地呢一代, 則一定會說翁美玲是最好...有一段時期, 翁美玲簡直係我心目中完美女朋友既化身...搵女朋友都要好似翁美玲咁(唔係指個樣...)雖然我睇佢既射鵰時佢已經魂歸天國...

我覺得大陸製作最忠於原著;香港(無記)就基於budget劇情有減無加,千兵萬馬基本上係拍唔出的;而台灣就最creative,亦看得一眾書迷最嘔血…
無疑情感表達古係比唔上劉,始終古拍神鵰前只拍過幾部時裝(仲要唔係主角),佢演楊過有咁既表現算係咁(好多時我覺得仍係做番自己,尤其是前段輕佻浮躁時的楊過)。十六年後係絕情谷情深款款睇到我有點起雞皮…
原來陳玉蓮都做過黃蓉﹗不過未睇過相;米雪只睇過相未睇過劇(我媽媽就話good~);其實我係睇94朱茵的版本先,之後無記重播翁美玲版,翁真係做得好正﹗我覺得後來的周迅好像少了翁的古靈精怪,正經了點


[引用] | 作者 domotoiceko | 26th Jul 2006 10:53 AM | [舉報垃圾留言]

[28] Re:
小原 :
我看过很多版本...
还是觉得刘德华版的非常深刻...
新加坡版的也很不错...真的很好看...一点也没有罗嗦的感觉
编剧真的很会抓重点来演...
古天了的就比较普通...
任贤齐的就真的改怪怪的...

先入為主麻,第一個看的版本都係最印象最深的,我次次都miss劉版重播,所以看了古版先,都說我的先入為主和別人是掉轉了
新加坡版沒看過,我也不知我同學是從那裡看,不過他當年確熱烈推介這版本~但現在要找來看好像有點困難…
古版是很典型的無記製作:主角演技…麻麻啦,綠葉不俗,造型唔錯(無記的服裝設計真不俗),場景求其(尤其是廠景和發泡膠石),劇本頗忠於原著(懶得改)
任版就真係無眼睇


[引用] | 作者 domotoiceko | 26th Jul 2006 10:45 AM | [舉報垃圾留言]

[27] Re:
Bee :
好想寫一篇講講睇咁多套神鵰,你寫左就真好,我都認同,你都寫哂我想做的比較,寫得很不錯啊!
不過今晚我都仍會寫,只係嘗試由另一角度去睇。

謝謝留言~期待你的一篇啊~
本人就係嗰啲一路睇一路比較既麻煩電視迷,哈,逢有新版總要同舊版比一比


[引用] | 作者 domotoiceko | 26th Jul 2006 10:38 AM | [舉報垃圾留言]

[26]

我冇記錯o既話, 演83版o既金輪法王嗰個應該叫林立三.
我都好鍾意馬版倚天, 尤其係孫興, 簡直係殺死人.
不如好似足球咁, 攪個神鵰角色最佳陣容選舉啦!


[引用] | 作者 SlowMan | 26th Jul 2006 02:04 AM | [舉報垃圾留言]

[25]

其實...純以電視論電視沒怎樣, 但若以原著小說來評論無記拍既金庸小說, 只能說嘔血, 激心...

論楊過, 劉同古比, 演楊早期我會覺得兩個各擅勝場. 但楊過後期, 則以劉比較好了, 感情到位好多.

射鵰黃蓉我相信老一輩會較喜歡米雪...但我地呢一代, 則一定會說翁美玲是最好...有一段時期, 翁美玲簡直係我心目中完美女朋友既化身...搵女朋友都要好似翁美玲咁(唔係指個樣...)雖然我睇佢既射鵰時佢已經魂歸天國...


[引用] | 作者 Ziv | 25th Jul 2006 21:00 PM | [舉報垃圾留言]

[24]

我看过很多版本...

还是觉得刘德华版的非常深刻...

新加坡版的也很不错...真的很好看...一点也没有罗嗦的感觉
编剧真的很会抓重点来演...

古天了的就比较普通...

任贤齐的就真的改怪怪的...


[引用] | 作者 小原 | 25th Jul 2006 20:57 PM | [舉報垃圾留言]

[23]

好想寫一篇講講睇咁多套神鵰,你寫左就真好,我都認同,你都寫哂我想做的比較,寫得很不錯啊!

不過今晚我都仍會寫,只係嘗試由另一角度去睇。


[引用] | 作者 Bee | 25th Jul 2006 14:38 PM | [舉報垃圾留言]

[22] Re:
月魚 :
我無睇過劉版, 但覺陳玉蓮的小龍女造型幾靚, 但不及李若彤的好, 劉亦菲演小龍女總覺得佢對眼好邪...同小龍女唔係好夾. 而十六年後的楊過, 我認為古版不及劉版的型了。
台視版的郭伯伯由孫興來做, 我真係想睇下. 自從睇完孫興做楊逍一角, 我就鍾意左呢個角色, 不過一直都無人做得好過佢, 到而家睇孫興都覺得佢係楊逍....=p

可能是看95版先於83版,楊龍兩人對我來說就是古和李,所以再睇番劉華版總係怪怪地(和別人掉轉了的先入為主)劉亦菲個樣好有小龍女出塵脫俗的感覺,但未有陳玉蓮或李若彤的冷豔,可能她始終年紀還小
當年睇馬版倚天我好多同學好迷楊逍,一致覺得佢係成套劇最型嗰個,可能係受之前包青天影響,孫興做白玉堂又係型到不行。所以後來睇任版笑傲江湖我接受唔到佢做淫賊田伯光…


[引用] | 作者 domotoiceko | 25th Jul 2006 11:21 AM | [舉報垃圾留言]

[21] Re:
傲雪 :
雖然我是83版的fan, 但李若彤的小龍女扮相真的一絕. (演技就不願置評喇)
絕對贊同, 曾江的黄藥師實在型到冇得彈! 不開口, 單是氣勢已經夠剎!

李若彤第一次演古裝都算係咁,搵唔係做開電視劇的演員係冒險0的…
我睇forum說曾江秦煌他們拍片時有好多爆肚:
話說後段選五絕前,眾人齊拜祭歐陽峰和洪七公
黃藥師:七公,我地知你仲意熱鬧所以咁多人一齊呢探你
老頑童:係呀,黃老邪,我地知你唔仲意熱鬧所以你死咗之後我唔會搵人拜你…
黃藥師:(有型的)怒啤…


[引用] | 作者 domotoiceko | 25th Jul 2006 11:15 AM | [舉報垃圾留言]

[20]

我無睇過劉版, 但覺陳玉蓮的小龍女造型幾靚, 但不及李若彤的好, 劉亦菲演小龍女總覺得佢對眼好邪...同小龍女唔係好夾. 而十六年後的楊過, 我認為古版不及劉版的型了。

台視版的郭伯伯由孫興來做, 我真係想睇下. 自從睇完孫興做楊逍一角, 我就鍾意左呢個角色, 不過一直都無人做得好過佢, 到而家睇孫興都覺得佢係楊逍....=p


[引用] | 作者 月魚 | 24th Jul 2006 18:47 PM | [舉報垃圾留言]

[19]

雖然我是83版的fan, 但李若彤的小龍女扮相真的一絕. (演技就不願置評喇)

絕對贊同, 曾江的黄藥師實在型到冇得彈! 不開口, 單是氣勢已經夠剎!


[引用] | 作者 傲雪 | 24th Jul 2006 16:58 PM | [舉報垃圾留言]

[18] Re:
譚劍 :
由頭到尾睇哂既,剩係劉華版,重係電視播個陣,一群綠葉確係出色。即使你無提及演金輪法王個演員,佢都一樣做得好好。
後生仔會鍾意射鵰,國仇家恨,快意恩仇。年紀大左,可能會鍾意天龍八部,悲喜交集,因果循環。

金輪法王嗰位叔叔,佢成日咪起對眼,個樣真係好奸﹗不過佢個禿頭頭套怪怪地。最奇怪點怪會搵湯振業做霍都呢0的奸仔角色,話晒佢都係力捧架麻,點解唔留個忠0既角色比佢?(例如耶律齊?)
我睇射鵰係因為翁美玲,她做得實在太好(F.2時無記重播)!我覺得除了天龍八部,笑傲都係比大個0的既人睇,爭權奪利到放棄名利都係要有一定經歷先會明


[引用] | 作者 domotoiceko | 24th Jul 2006 09:58 AM | [舉報垃圾留言]

[17] Re:
SlowMan :
謝謝你在我的blog內留言. 你呢篇寫得好好呀! 我就一直都係83的粉絲. 95都唔錯,尤其係李若彤做o既小龍女同埋李綺紅做o既郭襄. 至於楊過, 都係劉華最好. 不睇完你篇嘢先知原來有好多攪笑嘢.

劉華既楊過就正氣點,古先生的楊過做帶邪氣,各花入各眼啦~
古版仲有個笑位:耶律燕係終南山下見蒙古軍火燒重陽宮就同黃蓉講:「0的蒙古狗真係滅絕人性…」問題係佢自己都係蒙古人呢架喎﹗


[引用] | 作者 domotoiceko | 24th Jul 2006 09:52 AM | [舉報垃圾留言]

[16] Re:
紅學士 :
李若彤的小龍女是我一次看神鵰,所以我一直覺得她是歷代小龍女最好的,好到之後她演天龍八部,我都覺得不夠以前好!返而之後拍大內密探零零我覺得好正,好似看搞笑版小龍女咁!

小龍女本身表情不多,但後來王語嫣唔似小龍女般無七情六慾,李演係上來就覺得木口木面,不過佢造型嬴晒~
睇零零發我最頂唔順李若彤個角色最後係個外星人﹗次次我都笑到停唔到口﹗


[引用] | 作者 domotoiceko | 24th Jul 2006 09:49 AM | [舉報垃圾留言]

[15]

由頭到尾睇哂既,剩係劉華版,重係電視播個陣,一群綠葉確係出色。即使你無提及演金輪法王個演員,佢都一樣做得好好。

後生仔會鍾意射鵰,國仇家恨,快意恩仇。年紀大左,可能會鍾意天龍八部,悲喜交集,因果循環。


[引用] | 作者 譚劍 | 23rd Jul 2006 13:53 PM | [舉報垃圾留言]

[14]

謝謝你在我的blog內留言. 你呢篇寫得好好呀! 我就一直都係83的粉絲. 95都唔錯,尤其係李若彤做o既小龍女同埋李綺紅做o既郭襄. 至於楊過, 都係劉華最好. 不睇完你篇嘢先知原來有好多攪笑嘢.emoticon


[引用] | 作者 SlowMan | 22nd Jul 2006 22:58 PM | [舉報垃圾留言]

[13]

李若彤的小龍女是我一次看神鵰,所以我一直覺得她是歷代小龍女最好的,好到之後她演天龍八部,我都覺得不夠以前好!返而之後拍大內密探零零我覺得好正,好似看搞笑版小龍女咁!


[引用] | 作者 紅學士 | 22nd Jul 2006 14:33 PM | [舉報垃圾留言]

[12] Re:
:
其實在金庸茶館的forum中也有很多人喜歡95版神鵰~有空可以去看看~~^^"

嗰個site我之前成日去,那裡的人研究金書研究得好認真﹗我都係睇嗰度先知邊個係劉亦菲…哈哈


[引用] | 作者 domotoiceko | 22nd Jul 2006 10:53 AM | [舉報垃圾留言]

[11]

其實在金庸茶館的forum中也有很多人喜歡95版神鵰~有空可以去看看~~^^"


[引用] | 作者 | 21st Jul 2006 22:07 PM | [舉報垃圾留言]

[10] Re:
penny :
我都是金迷, 射鵰三部曲我也看不少, 雖然神鵰是比較不喜歡的一套, 但都對06年這套很期待!

我諗男仔會仲意射鵰多0的,射鵰講國家民族唔同神鵰集中講情之為物
昨天又看了少少新版神鵰,郭伯母個樣好細個,好似細過郭伯伯好多咁


[引用] | 作者 domotoiceko | 21st Jul 2006 17:53 PM | [舉報垃圾留言]

[9] Re:
yickka :
你寫得咁詳細, 我邊敢班門弄斧ㄚ, 吹下水啫... 講得啱, 就係先入為主, 我輩老餅就會死話83版先係王道. 其實古李版我都睇過兩次, 講到演楊過嗰種正中帶邪同反叛, 除古仔外真係不作他人選. 仲有李綺紅, 呢個小東邪真係一絕, 唔知啲電視台係咪慳水慳力, 好少會喺郭襄段戲度落墨... 嗰陣亞視播任吳版我都追晒, 真係差到無話可說. 央視版嘛, 遲啲煲碟.  

其實我係熟電視版,因為買咗劉古兩版vcd日睇夜睇,小說因為太耐無睇已經唔太記得~
李綺虹個造型真係得,她和古先生一開始都係扮十幾歲,我覺得李做得好自然(雖然她情急講對白時會走音~),至於少年楊過,我一直都覺得應該搵小演員來做,真係神高神大得太恐怖﹗(雖然我愛95版~)
央視版都係睇碟吧,無記cut了很多…


[引用] | 作者 domotoiceko | 21st Jul 2006 17:49 PM | [舉報垃圾留言]

[8] Re:
文風 :
央視84年版單看劇照已覺好匪夷所思...
任賢齊和吳倩蓮的造型也感怪怪的...

84版唔知香港有無播過,睇造型就...好有特式咁law~
任那個version看得我噴飯,接受不了如此破格,還是比較喜歡忠於原著的造型


[引用] | 作者 domotoiceko | 21st Jul 2006 17:44 PM | [舉報垃圾留言]

[7] Re:
:
金庸中我最喜歡的就是神鵰~~楊過更加是多部小說中最愛的角色
在多個真人版中~~我也偏愛95版的古天樂+李若彤~~感覺上和原著中的外型和氣質最相近~~
不過要說最貼合原著的~應該是新加坡漫畫家黃展鳴筆下的神鵰漫畫版了
無聊人路過~~見笑了~~^^"

95版粉絲﹗好難得架﹗多多留言啦~
漫畫版我好似睇到十六年後郭襄出場就無買...


[引用] | 作者 domotoiceko | 21st Jul 2006 14:18 PM | [舉報垃圾留言]

[6]

我都是金迷, 射鵰三部曲我也看不少, 雖然神鵰是比較不喜歡的一套, 但都對06年這套很期待!


[引用] | 作者 penny | 21st Jul 2006 12:02 PM | [舉報垃圾留言]

[5]

你寫得咁詳細, 我邊敢班門弄斧ㄚ, 吹下水啫... emoticon
講得啱, 就係先入為主, 我輩老餅就會死話83版先係王道.
其實古李版我都睇過兩次, 講到演楊過嗰種正中帶邪同反叛, 除古仔外真係不作他人選. 仲有李綺紅, 呢個小東邪真係一絕, 唔知啲電視台係咪慳水慳力, 好少會喺郭襄段戲度落墨... emoticon
嗰陣亞視播任吳版我都追晒, 真係差到無話可說. emoticon

央視版嘛, 遲啲煲碟. emoticon

 


[引用] | 作者 yickka | 21st Jul 2006 01:09 AM | [舉報垃圾留言]

[4]

央視84年版單看劇照已覺好匪夷所思...
任賢齊和吳倩蓮的造型也感怪怪的...


[引用] | 作者 文風 | 20th Jul 2006 22:34 PM | [舉報垃圾留言]

[3]

金庸中我最喜歡的就是神鵰~~楊過更加是多部小說中最愛的角色
在多個真人版中~~我也偏愛95版的古天樂+李若彤~~感覺上和原著中的外型和氣質最相近~~
不過要說最貼合原著的~應該是新加坡漫畫家黃展鳴筆下的神鵰漫畫版了
無聊人路過~~見笑了~~^^"


[引用] | 作者 | 20th Jul 2006 19:09 PM | [舉報垃圾留言]

Next