(放心，小的無錢去買累埋兄弟或「天曬」豪宅，只係作為一個普通蟻民，仲要係working poor月光族那種，發吓up風吧…，唔係好大怨氣啫﹗)
((反正小的係順民，政制甚麼的小的真沒有太大興趣，和蟹點不好嗎？﹗呃，都係唔好講咁多，又會俾人扔的了…XDDDDD))
首先呢，我真係領會唔到「領匯」在幹啥，好地地開咗個冷氣街市(仲要有超滑超好味的豆腐花賣，只係5蚊碗﹗﹗﹗)，人家做生意做得好地地，無啦啦趕人扯(真係提前終止合約喎﹗)，之後就開咗間百X超級廣場，點呀？﹗呢個街市開既時候我已奇怪點解方圓十里15分鐘腳程地方要有成3個街市，好了，人家做生意落晒地生晒根又無啦啦要趕人走…跟住就改咗個地方做連鎖集團超市…唉，無野講啦﹗我碗豆腐花無得食啦而家﹗
之後就到另一個街市遭殃，個街市大大話話開咗十幾廿年，當中好多店都係小的有記憶以來就開業的了，好多店家由叔叔嬸嬸開到變公公婆婆，由養家開到變過日晨，呀，呢啲真係舊屋村先會有的人情味，但攪攪吓呢，好難領會佢做乜的「領匯」一下子唔同人續約逼人摺，一下子又續約但變相將一年變十個月逼人提早收工但租照俾喎﹗終於個街市日漸冷清，冷清到係豆腐和豆卜都無得賣架﹗邊有啲咁既街市架﹗umum，我又放長雙眼睇吓裝修完之後有幾多家係連鎖店囉﹗
第二，那個膠袋徵費，我真心覺得原意係好的…等啲人用少啲膠袋嘛，但想說呢…而家無膠袋用，人人都買不織布環保袋，那個環保袋仲唔環保呀﹗又薄又易爛(特別係用嚟袋書…已經俾書角刺穿了兩個﹗)， 跟住買餸的話有時啲肉汁菜水沾上了，用黃河水都洗唔清﹗(我諗鏹水都未必得，哥士的得唔得呢曾sir？﹗)一陣味勁難頂，卒之變咗雞肋，食之無味棄之可惜。
以前去完超市啲膠袋拎到返屋企都仲乾淨，仲可以做垃圾袋用多轉，而家除了要買環保袋for超市入貨時用，屋企又要買大垃圾袋，多咗雙重使費，那個promotion的tvc仲有個細路女話「用少咗膠袋，俾我逐少逐少儲起…」我真係笑了…使多咗喎重﹗
真係好懷念十幾年前三spirit的環保袋，布那種﹗有七彩間條那種﹗起碼洗得又襟用，袋幾重的野都唔怕刺穿…唉呀…(惠x有種係布的，盛惠12蚊，都ok架﹗要不用紙袋算了)
第三，室外禁煙呢，我相信都係出自好意既，食得煙多對身體唔好嘛(算係為公營醫療機構省錢嗎？)，但其實我又覺得既然食煙唔係犯法，咁食既人又over18歲，佢又知食煙可能會致乜病，咁佢有自由去選擇架啦。以前食肆間晒吸煙區，office又有毒氣房，食和唔食的劃清楚河漢界不是好地地嘛…。而家，食的人無家可歸，吓吓都要喺街度叉足電，店家門口、垃圾筒總會有班人喺度bbq，排隊等車時啲哥哥叔叔又喺度煲…我想話我覺得我仲吸多咗二手煙囉，肯定更易有肺癌呀大佬﹗
同埋呢…點解酒吧都要禁？又話乜野兩點後唔賣得酒？﹗那是酒吧耶，唔係幼稚園喎…
唔明唔明我真係唔明，其實可能係我錯，我應該搬去火星住。囧
