之前喺珠江台有個類似的節目，家母看得如癡如醉(她仲睇埋國內版的《星光大道》((係咪即係《超級女聲》？？))，比本人還要update﹗)，於是得知無記版本會出街後就鎖定來看了。
第一輯於周末一星期一次，小的是偶爾行過才看看，好似無一次完整睇晒一集(哈﹗)。最近rerun的第二輯，上星期五lap到牛哥會上去…咁就睇啦…呃，想說，看來我真的不再喜歡古sir了。
- 乜而家啲阿sir一定要一出場就daily natural high？每次聽到古sir好亢奮咁叫「俾啲聲嚟聽吓先…」、「我係你地既古sir…」就覺得炒耳，想mute聲…(死啦，呢啲係咪代溝？啲細路好似睇得好開心喎﹗)
- 硬覺得古sir表現很浮誇，吓吓放聲大叫的，umum…係，我是很怕刺耳的節目。呃，如果有人搵佢、家燕媽媽和張美妮做節目，我諗會好得人驚…(但，呢個係咪無記鐘意既風格呢？)
- 之前睇《味/耳分高下》已經係，個intro播完歌再要兩個主持出嚟歌舞一番，不停的聽住「愛你的只有我」…首歌幾好聽都好咁樣日日聽番…即刻變好煩…(當時已經想賦文一篇，不過我又真係無幾可睇這個節目…算啦…)
- 乜而家鐘意將啲遊戲節目放喺星期一至五做﹗﹗﹗斷開兩集咁唔夠一氣呵成喎，硬覺得無乜氣氛。一星期一次物以罕為貴，會有種期待既感覺，而家晚晚有，感覺很膩…
- 如果有一天《殘酷一叮》、《獎門人》或《美女廚房》晚晚做…呃…諗gag和遊戲的人怕且會頭痛致死吧﹗邊有咁多笑點呀﹗又邊有咁多有看點的嘉賓呀﹗
- 其實呢啲遊戲節目五日化之後我無乜邊個特別有睇的，《十五十六》唔睇唔舒服好似好啲，《味/耳分高下》有啲遊戲食完野要吐番出嚟好核突(那個飲珍珠奶茶再吐珍珠鬥多好…呃)，我最O咀係之前那個《奇珍乜乜》，明明係《日本風情畫》式的奇趣日本片，睇完叫啲嘉賓俾幾多個珍，勁奇怪，咁都有得鬥既﹗(呢個節目本身我都要俾十個珍佢﹗)
- 噢，講番《係咪小兒科》本身啦，其實都幾得意，因為好多suppose係小兒科既野，當離開咗學校放低咗書包就唔記得，隨時被考起架﹗(特別係中文啲錯別字和四字成語﹗你以為日日用咩，但寫出嚟真係會錯架﹗)
- 記得大學時幫個六年班小朋友補習…嘩，係我要拎字典機去幫佢對功課。啊，教學相長，好事好事。
- 乜而家啲小朋友讀書既野咁鬼深？我完全唔記得雞仔、鴨仔、老虎仔既男仔女仔點寫喎，學喜爺話齋，不如叫Mr和Miss算啦﹗(XDDDDDD…個嘉賓超high的，睇到我在狂笑)
- 講起琴日和前日的兩集，消防員那題明顯係送分啦﹗(會為嘉賓tailor made題目嗎？)
- 我娘說CK妹講野和答問題有紋有路的，和劇中的她相距甚遠(aka：佢真人原來係正常的…)。
- 睇遊戲節目最得意係見啲藝人既真性情，好似呢啲咁幾益智咪好囉，藝人和觀眾一齊溫故知新的。好過吓吓玩浪費食物，又特登要人出醜的…(係呀，我係講緊就嚟crossover既《獎門人》和《美女》呀﹗)
- 傳說話啲小朋友係有背答案喎﹗不過我覺得畢嬲喺學校操開的話，都唔會差好遠掛？
- 啲iq題又要講乜鬼「考考你」…好浮誇呀﹗(我真係唔鐘意睇啲好嘈既節目)
- 咦，今次啲尖子班唔使「揀我啦揀我啦揀我啦」既？我好鐘意扮架﹗
- 古sir重覆一次小朋友的英文名時…係咪用咗oxford腔？﹗umum…不自覺又覺得好浮誇…佢可唔可以唔好捲晒脷咁讀人名和英文題…(這是個人觀點，不喜可skip…哈)
- 其實佢既衣著係咪繼續參考緊哈里波特？﹗(硬覺得，金記前後既佢係兩個人，點解呀？﹗以前既古sir去咗邊呀？﹗)
- 又係我娘既資料提供，珠江台那個版本獎金最多得十萬咋喎﹗
- 不過遊戲本身咪又係《百萬富翁》的變奏…諗諗吓其實係一樣，只係包裝加咗小朋友落去啫…
- 除了古sir本身比較嘈，呢水咁多遊戲節目我係比較鐘意睇這個的。但，可唔可以掉番去星期日呀？晚晚睇好鬼煩。同埋我比較鐘意以前個做法，每晚都有不同既綜藝節目，如《K-100》、《勁歌》、《新聞透視》咁，有水仲改過啲好勁既名：乜鬼女人星期一、時事星期二咁。真架，有啲節目真係一星期一次就夠，日日都做反而會唔想睇的。
- 那個《從67年開始》我有興趣架，其實我對啲文教資訊節目比較有興趣，遊戲節目就一啲啲…
- BTW，繼續Good show的TBB，幾時有節目巡禮俾我睇啫？﹗
